Ka Pa Diary Pan: 1989
(Ka pa Nok Swan Lian ka itna leh phawkna tawh a diary panin thu kaikhawmin ka khum kikna hi)

Hih kumin Phai hawhna thu tam mahmah hi. Phai a hawh ciangin a phakna munte Secretariat, Khadi Board office, M.I., Tribal welfare hi deuh hi. Phaipi pen a lokuanna hi takpi mai-a nisim phialin a pai hun zong tam hi. Phai ah Minister Ngurdinglian, T. Phungzathang, R. K. Dorendro, Gouzadou leh Lorho  kiangah a hawhna thute limtakin khum hi.

Lamka sungah a phak mun na penpen office-te DC, SDO, Agriculture leh FCI godown. A innkuante ading anntang a vaihawmsak zawh pen kumpi buhsal pan a man niam zawdeuhte bek ahi hi.
Mite nopna leh dahna a kin mahmah khat hi. Misi a galna thu tamveipi gelh hi. A vakna lamah a meltheih ngei khatpeuh leh tuate meltheihte dong a si om cih a zak hunhun in gal khial lo hi. Galna sum tampi a piak zawhloh hangin a pumpi kilat ding thupi ngaihsut hi.

29 January 1989 in kum bangzah hiam a neih Lanva Saw Mill pen Thinungei a Ibobi kici khat in lei in a puak khiatni kiciamteh hi.

CBA EC meeting, TCCC Meeting, TCCC Hall bawlna tawh kisai thute zong mun tampi ah ki-at hi. 16 February 1989 niin TCCC Hall foundation bawlna ding lei tawh Lanva khua ah kipan hi.
Mi sum a leitawi ciangin ciamteh tangtang a, mite kiangah sum leitawi a piak ciangin zong ciamteh hi. A leibatte a loh zawh hun hong tun ding lametna lianpi a neih thu zong lim gen hi.
A diary sungah a kitel mahmah khat pen, a zing thawh hun, hawhna a neih leh a pai hun, tun hun cihte pawl a nai gelh lianlian hi.

23- 25 May  sungin Congress makaite in Parbung leh Thanlon bial a vehna thu kigelh hi.
1 June in Tribal Welfare Department ah work Advisory Board member dingin appointment letter ngah hi.

Lanva tangvalte leh Thingkangphai Lusei tangvalte (nungak hangin) kibuai in CWA level ah kilemtuah uh hi. Tua thu pen nasia sim mahmah man a, Lamka lam panin zong tangval pawlkhat in Lanva ah hong duty uh hi.

Imphal Radio station ah thugenna ding hun ngah ahih manin 9 October ni-in aw khum hi. 11 October  nai 4:20 pm in a thugenna radio panin kikhah hi. A thugen bang thu hiam cih a ciamteh loh hangin gam leh minam thu hi kha ding hi.19 October in India Lok Sabha election ding pulakna kibawl hi. A zing ciangin amah zong Phai ah Ngurdinglian kiang va hawh a, MP tuh a lunggulh thu leh ama huhna a deih thu a va gen leh Ministerpa in ‘hong muan loh zia ka thei hi’ ci hi. Politics a hanciam mahmah hangin thu taktak a hong om ciangin a huh ding leh deihsak ding neilo zel ahih manin a maban bing pahpah hi. Tua hinapi’n lunglut takin Congress party adingin nasem tantan a, tua kuma MP candidate Meijinlung adingin CCPur ah campaign nak bawl mahmah zawlai hi. 


Kei muhna: 1989 diary panin ka pa pen social worker taktak ahihna kilang kasa hi. Nisim a hunzat zia a ciamtehna ah inn ah innkuanpihte tawh a hun zatkhop dan kigen kha mello-a, tua sangin nisim Lamka, Phai, Singgat a zinnate, office a hawhnate, midangte adinga vai a saipih nate, ministerte a muhnate khawng midangte adingin buai den phial hi. Thukhat panin tangpi-tangta a khualna leh a deihsakna lian mahmah ahih lam kihaih lo hi; ahih hangin a inn sung en manlo zahin buaipih lua kha ahih manin a buaipih minam, party, mite tungpanin bang a ngahlawh hiam cih i kan ciangin ama innkuan I suplawhna tawh kituakin bangmah ngah hetlo mawka, tua kawmkalah midangte etsatna, minsiatna, kona, gimna tawlna thuak zaw lai hi. Tuate phamawh salo-a a hoihsakte a sem veve pa hi.

Comments

Post a Comment

Popular posts from this blog

KA LAISIMNA LAMPI

Ka Laisimna Lampi Dr Pum Khan Pau Pasian in ka pianma nagawnin ka nuntakna paidan ding hong geel kholhsak khin hi; ahih hangin ke’n Ama hong koihsak nate ka thei kei hi. Ka Pa (Nok Swan Lian) leh ka Nu (Zen Khan Vung) in tapa guk (6) leh tanu khat (1) a neih lakpan a nihna kei pen nt 24 March 1974 in Lanva khua ah ka piang hi. Ka nu in lai gina takin a sim loh hangin ka pa pen Zomite lakah MA zo masa pawl khat ahi hi. Tua banga laisiam masa ahih theihna hang khat pen ka Pu’ deihsakna hang hi. Ka Pu in Zotlang panin a tate’ laisimna ding khualna tawh Lamka zaang na zuan hi. Tua mah bangin ka pa in ko a tate lai hong deihsakin a neihlohpi mah nangawnin saang hong kahsakin pilna hong zongsak hi. “Lawhcinna khatpeuh a kipatna neucik hi”, a kicih bangin bangmah lo pan hong kipattah ahih hangin Pasian hehpihna tawh ka
Read more

Tools of Christian Missionaries

Tools of Christian Missionaries: Influence of Education and Medical health among the Zo people in Chin Hills [i] Dr Pum Khan Pau Christian missionaries were some of the most influential actors which brought significant changes in the host environment. They came as stranger, but psychologically and professionally prepared, to an unfamiliar environment with the objective to bring transition in the host society. The primary tools often used by them to facilitate transition were the introduction of education and medical health. It is from this perspective that the present paper seeks to study the influences of education and medical health in order to understand the whole gamut of Christian conversion among the Zo people in colonial Chin Hills. The earliest Christian missionaries in Chin Hills, Rev. Arthur E. Carson and his wife Laura Hardin Carson from the American Baptist Mission, reached Haka on 15 March, 1899. They first laid the foundation of Christianity in Chin hills. Though
Read more