NgeisokSquare

Dr Pum Khan Pau (Hih thu pen America gam a pai nailote ading ngimna tawh kigelh hipha deuh hi) America leitang ka sik masakna penpen John F Kennedy International Airport, New York ah hi. October 7, 2014 nitakin Kolkata panin Air India tawh lengin Delhi ah tawlkhat ka khawl khit ciangin October 8, 2014 zingsang nai 1:30 AM in Air India mah tawh ka leng kik a, nai 14 sung khawllo-in ka len khit ciangin tuani mah zingsang nai 7:30 AM (ET) in New York ka tung hi. Arizona state a om Arizona State University (ASU) ah kum khat sung Post-Doctoral research bawl dinga UGC Raman Post Doctoral Fellowship tawh a pai ka hi hi. Vanleng pan ka tuak khit ciangin immigration ah hong paipih pah uh a, tua mun ah verification tawmvei bawl khit ciangin a paam ah immigration zum ah ong sawl uh hi. Tua zum a nasemte pen uniform puan-ak kang leh bombi dup tawh kizemin a kawngah van nam tuamtuam datmei akipan pistol dongin puapah linlian kawmin computer tawh na sem uh hi. Amau zum nasemte lakah mivo...

Ka Pa Diary Pan: 1989 (Ka pa Nok Swan Lian ka itna leh phawkna tawh a diary panin thu kaikhawmin ka khum kikna hi) Hih kumin Phai hawhna thu tam mahmah hi. Phai a hawh ciangin a phakna munte Secretariat, Khadi Board office, M.I., Tribal welfare hi deuh hi. Phaipi pen a lokuanna hi takpi mai-a nisim phialin a pai hun zong tam hi. Phai ah Minister Ngurdinglian, T. Phungzathang, R. K. Dorendro, Gouzadou leh Lorho  kiangah a hawhna thute limtakin khum hi. Lamka sungah a phak mun na penpen office-te DC, SDO, Agriculture leh FCI godown. A innkuante ading anntang a vaihawmsak zawh pen kumpi buhsal pan a man niam zawdeuhte bek ahi hi. Mite nopna leh dahna a kin mahmah khat hi. Misi a galna thu tamveipi gelh hi. A vakna lamah a meltheih ngei khatpeuh leh tuate meltheihte dong a si om cih a zak hunhun in gal khial lo hi. Galna sum tampi a piak zawhloh hangin a pumpi kilat ding thupi ngaihsut hi. 29 January 1989 in kum bangzah hiam a neih Lanva Saw Mill pen Thinungei a Ibobi...

Pum Khan Pau Mihing nuntakna ah Pasian thupha lian mahmah a kingaihsun khat pen tate ahi hi. Sum leh pai kizong thei-a, inn leh lo kilam thei-in, pilna siamnate zong kisin/kizong thei-a, ahih hangin eima hanciamna tawh ta kinei theilo, tanu tapa ding zong kitel theilo hi. Pawlkhatte in tanu tapa nei dimdiam a, pawlkhatin tanu bek a neih lai-in pawlkhat in tapa bekbek nei ta leuleu zel hi. Mihing thuneihna omlo ahih manin kitel theilo hi. Nupa kop khat in suan leh khak a neih theihna a hang khat bekbek om a, tua pen Pasian thupha hang ahi hi. Bang hang hiam cih leh nuntakna a piangsak Pasian ahi hi. Tuhun leitung pilna a san tawh kituakin mihing ngeina lo tawh ta neih dan nam tuamtuam a kizat theih sam hangin, tua nangawn zong Pasian in nungtasak kei leh ahithei thu hilo hi. Nupa khat pen tate hangin innkuan bukim/picing suak hi. Tua i cih ciangin ta neilo nupa pen innkuan hilo a ci nuam i hi kei hi. Tuhun ciangin nupa tampite ta neithei gige amau nasepna awlmawh zawkna hangin t...

NgeisokSquare: THE ADVENT OF CHRISTMAS

LAMKA PAN DELHI Dr Pum Khan Pau Thu masa     Amasa in Delhi ZCF in hong phawk khak manin ka lungdam hi. Sia GS Lian Pau in kum 30 cinna souvenir ah suah ding thului hong nget ciangin Delhi ZCF tawh kisai kei gelh theih ding ka ngaihsuna, ka thei pak kei hi. Youth Department ah Chairman tawlkhat a sem ngei ka hihna tawh tualam thu gelh ding ka cih ciangin a cihtham gelh ding ka thei tuan kei mawk hi. Ahizongin a tawpna ah bel Delhi ZCF tawh kisai limlim hel nuam veve ka hih manin keima theihna ciang kong gelh a, a kicingzaw ding ngimna tawh Lamka pan Delhi ka tunna tawh gawmkhawm in tangthu khat kong suah hi. Hih thului pen sangnaupang leh khangnote ading ngimna tawh ka gelh hipha deuh hi. Lamka pan Allahabad     December 31, 1999 pen kum dang sangin kithupi ngaihsut zaw hi. Kum khat a beini bek hilo-in a kigim neih mahmah kum 2000 lutna ding zong ahi hi. Lamka gamah kumlui kha tawh kum thak dawn ding tawh mite phe vengvung a om laitakin...

JESUH SUAH LUNGDAM PAWI# Pum Khan Pau K ristian kumsim dan ah December kha pen khatawp ahih bangin hih kha i tun simin I lungsim ah hun khat a zo ding bangin kingaihsutna hong om hi. Kum khat sung tawntung I nasepna, pilna zonna leh kizatnate a kuitung bangin I kikoih hi. Lokho mite in kum khat I khawh annte kikaikhawm khinin ki-awllen a, sangnaupangte in zong kum khat a sinte laivuanin man khin hi. Sumbawl mite adingin awllen cih a om theih taktak loh hangin kumpi nasemte in zong December kha pen hun awl ngah sawm hamtang ciat uh hi. Nidanga khuata ah om hunlai bang lo-in tuhun ciangin innkuan khat zong mun leh gam tampi ah kikhenta ihih manin khatawp pen I khua I inn ah kituahkhopna in mi tampi in kizang thei hi.     Ahizongin, December kha pen awllen hun bek na hi zenzen lo hi. Tua sanga thupi zaw tham pen Khristiante adingin Lungdam Bawl/Pawi hun ahi hi. Tua ahih manin awllen hun tawh kituakin Lungdam Pawi zang dingin khualgama om gamvakte, sumbawlte, sangk...

President TCSA, Shillong leh Khuado Pawi a zang khempeuh, Shillong mualtam tungah a nih veina Khuado Pawi leh TCSA conference kithuah zang thei na hih manun lungdampihna kong pulak masa hi. 2007 kum a amasapen Shillong Khuado Pawi I zat liai liai lai hunte bang hong phawksaka, ka lungleeng zezen hi. Tuni-a Khuado Pawi leh Conference zangte khempeuh tungah ko innkuan in Khuado thupha, Topa thupha deihsakna kong khak uh hi. Ko zong note mah tawh a kibangin ka kithalawp uh hi. Shillong pen nidang pek panin a min nei mahmah mun poimawh khat ahi hi. A khuahun a nop man zong ahitam Shillong pen North East India adingin Mikang (British) kumpi ukna nuai-ah vaihawmna phualpi khat in na om tawntung hi. Tuipi pana teh pi 4,908 a pha Shillong khuapi pen a khuahun nuam mahmah ahih manin 1874 kumin Mikang kumpi in Assam pen Chief Commissioner province khat in a bawl akipan gamukna lamah phualpi-in  na nei hi. Gamukna tawh kisai in Brahmaputra zanglei leh Surma/Barak zanglei kaw...